Hosanna

ബ്ലൈന്‍ഡ് ഒബീഡിയന്‍സ്

ലത്തീനും സുറിയാനിയും ഇംഗ്ലീഷും പഠിക്കുന്നുണ്ടായിരുന്നു. അതോടൊപ്പം ആദ്ധ്യാത്മികാഭ്യാസങ്ങളും. ഒരു ദിവസം blind obedience-നെപ്പറ്റി റെക്ടറച്ചന്‍ ക്ലാസ്സ് എടുത്തു. ഒരു തെങ്ങിന്‍‌തൈ തലകീഴായി കുഴിച്ചിടാന്‍ അധികാരികള്‍ കല്പിച്ചാല്‍ ചോദ്യം ചെയ്യാതെ അനുസരിച്ചുകൊള്ളണം. അടുത്ത ദിവസം ക്ലാസ്സില്‍ അതിന്റെ പ്രാക്ടിക്കല്‍ നടന്നു. റെക്ടറച്ചന്‍ പറഞ്ഞു I say now it is midnight. സിറിയക് താഴത്തുവീട്ടില്‍ പറഞ്ഞു, “Yes Father, it is midnight...” അടുത്ത ചോദ്യം... Next കുന്നംകോട്ട് കുട്ടി പറഞ്ഞു, Yes midnight. റെക്ടറച്ചന്‍: Next... എല്ലാവരും Midnight പറഞ്ഞു. Next, Mundackan. ഞാന്‍ പറഞ്ഞു, Now it is 10 o'clock in the morning. The clock shows the same. റെക്ടറച്ചന്‍ വളരെ ശക്തിയായി next... next... ഉത്തരങ്ങള്‍.. midnight. ചേര്‍ത്തലക്കാരന്‍ കുന്നും‌പുറം എഴുന്നേറ്റുനിന്ന് വലതുകൈ കൊണ്ട് വായ് പൊത്തി ഭവ്യതയോടെ പറഞ്ഞു, എനിക്കു തോന്നുന്നത് ഇപ്പോള്‍ പകലെന്നാണ്. ബാക്കിയുള്ളവരെല്ലാം midnight തന്നെ പറഞ്ഞു. എല്ലാവരും പറഞ്ഞു കഴിഞ്ഞപ്പോള്‍ റെക്ടറച്ചന്‍ അലറി, You two fellows have no blind obedience, patent portae (The gates are open). You can get out anytime you want. മറുവശത്ത് മറുപടിയൊന്നും പറഞ്ഞില്ല. കാരണം, വൈദികനാകണമെന്നുണ്ടായിരുന്നു. പുറത്തു പോകാനാണെങ്കില്‍ ഗെയിറ്റ് പൂട്ടിയാലും മതിലു ചാടിക്കടക്കാനുള്ള കരുത്ത് അന്നുണ്ടായിരുന്നു.

(പ്രീതിനോക്കാതെയും ഭീതികൂടാതെയും, ഫാ. ജോസഫ് മുണ്ടയ്ക്കല്‍, പേജ് 18.)